قصة (هذا دجل وشعوزه ) للشاعره منه رضا

ثلاثة بنات أصدقاء قاعدين مع بعض على ترابيزه فى مكان عام فى مكان عام
منى :- أنا متضايئه النهارده ومودى مش متظبط خالص يابنات
إيمان :- هههههههههههه وإيه اللى معكر مزاجك بأه
نور :-بلاش تقل دم ياإيمان قوليلى إيه اللى معكر مزاجك
إيمان :- هههههههههههههههه وإيه الجديد يعنى أنا سألت نفس السؤال
نور :-ههههههههههههههه تصدقى ماأخدتش بالى
منى بصوت عالى :- يوووووووووه والله هسيبكم وهمشى
ايمان بضحكه مكتومه :-خلاص بأه يانور متضحكيش، وانتى يامنى احكى مالك
منى :- حاسه حياتى متلخبطه الأيام دى ومش عارفه فيه ايه
نور بسخريه وهزار:- ليه مروحتيش لدكتور نفسى
منى :- انا هقوم امشى بجد عشان زهقانه والعمليه مش ناقصه الهزار بتاعكم
ايمان ونور فى وقت واحد :- استنى بس ومسكو منى من ايديها وقعدوها تانى
ايمان :- انا رأيى ان انتى تشوفى مواصفات برجك اليوم
نور :- أيوه والله فكره حلوه وانا معايا رقم تليفون أخدته من إعلان على التليفزيون لعالمة فلك بتحل كل مشاكل الناس
منى :- إيه الهبل ده ياجماعه انا على فكره أنا شوفت الإعلان ده أكتر من مره اللى هو بتاع موافقة الأهل على الشريك وخرز المحبه وخواتم روحانيه وكلام الدجل والشعوزه ده
ايمان :- لا مسمحلكيش تقولى دجل وشعوزه لأن ده علم ودول ناس متعلمين وفاهمين مش زى الشيوخ الدجالين اللى بنشوفهم فى الأفلام
نور :- أيوه يامنى دول ناس متعلمين وفاهمين
منى :- انتى يانور عامله زى البغبغان وبترددى الكلام وخلاص
نور :-الله يسامحك
منى :- آسفه ياقلبى مقصدش والله بهزر معاكى
نور :- خلاص إتحلت ياجماعه الشيخه ملك وصلت وهى اللى هتفيدنا فى الموضوع ده
ملك :- السلام عليكم
الجميع :- عليكم السلام ورحمة الله
ملك :- انتم هنا من بدرى ولا ايه
إيمان :- بقلنا حوالى ساعه
ملك :- ومنى مالها زعلانه كده ليه

منى :- أبدا ياقلبى مفيش حاجه بس حاسه انى زهقانه من غير سبب
نور :- احنا عايزين ناخد رأيك فى موضوع ، بصفتك العاقله اللى فينا وطول الوقت عاملالنا فيها الشيخه ملك
ملك بضحكه خجوله :- قولى ياسوسه موضوع ايه
إيمان :- خليكى يانور هحكيلها انا
ملك :- احكو ياجماعه فيه ايه
إيمان :- إيه رأيك فى موضوع الأبراج وعلماء الفلك اللى بيعملو إعلانات على التليفز
ملك مقاطعه كلام إيمان :- دجالين ونصابين طبعا
منى :- واللهى قولتلهم نفس الكلام
نور :- ليه بأه ان شاء الله
ملك :- هقولكم ليه بس إسمعونى وافهمونى عشان الموضوع طويل
الجميع :- اوك سامعينك
ملك :- أولا انا هسألكم شوية أسئله بسيطه وعايزاكم تجوبو عليها فى صوت واحد
الجميع:- اوك
ملك :- مين عالم الغيب ؟
الجميع :- ربنا
ملك :- مين بيرزقنا ومين بيحيينا ومين بيموتنا إذا شاء ؟
الجميع :- ربنا
ملك :- الفلوس رزق والشغل رزق والجواز رزق والأولاد رزق والسعاده رزق والحزن رزق وكل الحاجات دى بإيد ربنا :- ها متفقين معايا ولا لأ
الجميع :- أكيد طبعا متفقين معاكى
ملك :- كويس ، عايزاكم بأه تركزو فى الكلام اللى جاى ، اوك
الجميع :- أوك مركزين
ملك :- اوك ، لما واحد يقولنا انه يقدر يتدخل فى قدرة ربنا ويعرف حاجات عن مستقبلنا ويقدر يسهلنا موضوع الرزق ويسعدنا ده سحر ولا مش سحر
الجميع بتعجب واستغراب :- أكيد سحر
ملك :- للأسف ده مش سحر
الجميع فى زهول :- ها أمال إيه
ملك:- للأسف ده أسمه شرك والعياذ بالله
يعنى انتى بكده بتشركى إنسان فى قدرة ربنا عز وجل
وربنا سبحانه وتعالى قال:- بسم الله الرحمن الرحيم :'( إن الله لا يغفر أن يشرك به ويغفر ما دون ذلك لمن يشاء ومن يشرك بالله فقد ضل ضلالا بعيدا )
سورة النساء آيه 116
يعنى معنى الآيه إن ربنا بيغفر الذنوب كلها مهما كانت كبيره وعظيمه والذنب الوحيد اللى مش بيتغفر هو الشرك بالله
مالكم ساكتين كده ومستغربين ليه
إيمان :- مكنتش أتوقع ان حاجه بسيطه زى دى ممكن توصلنا لكل اللى انتى قولتيه والله
نور :- انا بجد زوهلت من الكلام اللى قولتيه
منى :- بس ده ميمنعش ان احنا إستفادنا كتير من كلامك ياملك
ملك :- الحمد لله أنا بجد بكون سعيده وانا قاعده معاكم وبنتناقش فى كل حاجه تخصنا وتخص حياتنا
منى :- وأنا بجد بكون أسعد معاكم والله
نور :- وانا أكتر وقت ببقى مستمتعه فيه وانا قاعده معاكم وبيبقى نفسى نفضل قاعدين كده منسيبش بعض أبدا
إيمان :- مش يلا بينا ياجماعه عشان اتأخرنا
ملك :- ثوانى بس ياجماعه .
فيه رساله أخويا بعتهالى على الواتس آب هقرأهالكم ونقوم نمشى بعدها أنا حاسه ان احنا كلنا هنستفاد منها
إيمان :- أوك بس إنجزى
ملك أخرجت التليفون وبدأت تقرأ الرساله :- أربع آفات تُحل بأربع

الآفة الاولى:
- إذا ابتُليت بحب الشهوات.
- الحل : راجع حساباتك مع الصلوات .
- الدليل : قال تعالى ( فخلف من بعدهم خلف أضاعوا الصلاة واتبعوا الشهوات ) .
سورة مريم الآيه 59
الآفة الثانية:
- إذا أحسست بالشقاء وعدم التوفيق .
- الحل : راجع حساباتك مع أمك .
- الدليل : قال تعالى ( وبراً بوالدتى ولم يجعلنى جبارا شقياً ) .
سورة مريم آيه 32
الآفة الثالثة:
- إذا شعرت بالاكتئاب والضنك
- الحل : راجع حساباتك مع القرآن
- الدليل : قال تعالى( ومن أعرض عن ذكرى فإن له معيشةً ضنكاً ) .
سورة طه آيه 24
الآفة الرابعة :
- إذا أحسست بعدم الثبات على الحق .
- الحل : راجع حساباتك مع المواعظ.
- الدليل : قال تعالى ( ولو أنهم فعلوا ما يوعظون به لكان خيراً لهم وأشد تثبيتا)ً
سورة النساء آيه 66
الجميع عجبهم الكلام اللى فى الرساله وقالو انها جميله
وبعد كده افترقو بعد لنا اتفقوا على معاد تانى يجمعهم فى نفس المكان
النهايه ،